ధనుస్సు (23^rd November – 22^nd December)

మీలోని నైపుణ్యత, పట్టుదల అందరూ గుర్తిస్తారు.

ఇంత కాలం ఎదుర్కొన్న కొన్ని సమస్యలు ఎట్టకేలకు పరిష్కరించుకుంటారు.

కొన్ని సందర్భాలలో చేపట్టిన పనులు విరమించాలని భావించినా మిత్రుల చేయూతతో పూర్తి చేస్తారు.

జీవిత భాగస్వామి ద్వారా కొంత ఆస్తి లాభాలు పొందే సూచనలున్నాయి.

ఇంటి నిర్మాణాల పై కూడా దృష్టి సారిస్తారు.

అత్యంత విలువైన సమాచారం అంది ఉత్సాహంతో గడుపుతారు.

అనుకున్న ఆదాయం సమకూరినా ఇంకా అసంతృప్తి మిగులుతునే ఉంటుంది. అయితే అప్పుల బాధలు తొలగుతాయి.

వ్యతిరేక పరిస్థితులను మీకు అనుగుణంగా మార్చుకోవడంలో విజయం సాధిస్తారు.

సమాజసేవా కార్యక్రమాలలో చురుగ్గా పాల్గొంటారు.

వ్యాపారస్తులు, వాణిజ్యవేత్తలు మరింత దూసుకువెళతారు. సంస్థల అభివృద్ధి కార్యక్రమాలు చేపడతారు.

పారిశ్రామికవేత్తలు, కళాకారులు అనూహ్యమైన అవకాశాలు పొందడానికి మార్గం ఏర్పడుతుంది.

రాజకీయవేత్తలు కోరుకున్న పదవులు కైవసం చేసుకుంటారు.

విద్యార్థులు ఆలస్యమైనా కొన్ని అవకాశాలు సాధిస్తారు.

వ్యవసాయదారులు ద్వితీయార్థంలో పెట్టుబడులకు తగినంత లాభాలు అందుకుంటారు.

మహిళలకు కొన్ని వివాదాలు తీరతాయి.

జనవరి, మార్చి, మే, జూన్, నవంబర్‌నెలలు ఇబ్బందులు, సమస్యలతో కొంత సతమతం తప్పదు.

ముఖ్యంగా ఆరోగ్యపరంగా జాగ్రత్తలు పాటించాలి.

అలాగే, చేసే వృత్తులు, వ్యాపారాలలో ప్రతి క్షణం అప్రమత్తత అవసరం.

అదృష్ట సంఖ్య...3

గణపతి మరియు శ్రీ మహావిష్ణువు ని పూజించడం మంచిది