సింహం

కొత్త కార్యక్రమాలు సమయానికి పూర్తి చేసి సమర్థతను చాటుకుంటారు.  ఎటువంటి ఆలోచననైనా కొలిక్కి తెచ్చి తగు నిర్ణయాలు తీసుకుంటారు.

అత్యంత గౌరవస్థితిలో ఉన్న వారితో పరిచయాలు ఉత్సాహాన్నిస్తాయి.

ఎక్కడా రాజీపడకుండా ఆత్మగౌరవాన్ని కాపాడుకుంటారు.

ప్రముఖులతో పరిచయాలు ఏర్పడతాయి.

కొత్త కాంట్రాక్టులు దక్కించుకుంటారు.

చిన్ననాటి విషయాలను గుర్తుకు తెచ్చుకుంటారు.

అనుకున్న రీతిలో ధనం సమకూరుతుంది.

ఏ అవసరమైనా ఇబ్బందిలేకుండా గడిచిపోతుంది.

మీ పై అందరికీ  గట్టి నమ్మకం కలుగుతుంది.

మీరు చెప్పే విషయాలు వారి మనస్సులను హత్తుకుంటాయి.

పిల్లల విషయంలో ఒక నిర్ణయం తీసుకుంటారు.

కొన్ని శుభకార్యాలు నిర్వహిస్తారు.

సోదరులతో మరింత సఖ్యత ఏర్పడుతుంది.

స్వల్ప రుగ్మతలు బాధిస్తాయి.

అయితే వైద్యసేవలు సకాలంలో పొంది ఉపశమనం పొందుతారు.

వ్యాపారాలు అనుకున్న లాభాలు అందుకుంటారు.

కొత్త భాగస్వాములను కలుపుకుంటారు.

అలాగే కొత్త వ్యాపారాలకు తగిన ప్రణాళిక రూపొందిస్తారు.

విధి నిర్వహణలో అవాంతరాలు అధిగమిస్తారు.

ఉన్నతాధికారుల నుంచి తగు సూచనలు అందుకుంటారు.

వైద్యులు, పారిశ్రామికవేత్తలు, కళాకారులకు ఒత్తిడులు తొలగుతాయి.

టెక్నికల్‌ రంగం వారు ఇంత కాలం పడిన కష్టానికి తగిన ఫలితం దక్కించుకుంటారు. ప్రమోషన్లు రావచ్చు.

మహిళలకు మనోనిబ్బరం ఏర్పడుతుంది.

ఆస్తుల వ్యవహారాలలో కొన్ని ఇబ్బందులు రావచ్చు.

ఎప్పటికప్పుడు అజమాయిషీ ఉండడం మంచిది.

వ్యాపారాలు పుంజుకున్నా ఓ కన్నేసి ఉంచండి. నిర్లక్ష్యం వద్దు.

అసలు అలక్ష్యం వద్దు. అన్నింటి కంటే ఆరోగ్యంపైనే దృష్టి పెట్టడం ఉత్తమం.

కనకదుర్గాదేవి స్తోత్రాలు పఠించండి.

అమ్మవారికి కుంకుమ, పసుపు, గాజులు, చీర సమర్పిస్తే మరింత అనుకూలిస్తుంది.