మేషం

ఆదాయం–8, వ్యయం–14, రాజపూజ్యం–4, అవమానం–3

వీరికి ఈ ఏడాది సెప్టెంబర్‌14 నుండి నవంబర్‌20వరకు మినహా మిగతా కాలమంతా గురువు విశేష యోగకారకుడు.

ఇక శని, రాహు, కేతువుల సంచారం అంతగా అనుకూలం కాదు.

గురువు వీరికి కొద్దికాలం మినహా అన్ని విధాలా అనుకూలమైన ఫలితాలు ఇస్తాడు. 

లాభ స్థానం సంచారం విశేషయోగదాయకం.

నిరుద్యోగులకు ఉద్యోగ విజయం.

ఏ వ్యవహారమైనా విజయవంతంగా పూర్తి చేస్తారు.

దూరమైన బంధువులు తిరిగి దగ్గరవుతారు.

శత్రువులను కూడా వశం చేసుకుని దిగ్విజయంగా సాగుతారు.

కీర్తి ప్రతిష్ఠలు, సుఖసంతోషాలతో ఆనందంగా గడుపుతారు.

అవివాహితులకు వివాహ యోగం.

వ్యాపార, వాణిజ్య రంగాలు మరింత వృద్ధి చెందుతాయి.

నూతన భాగస్వాములు, పెట్టుబడులను సమీకరిస్తారు.

ఉద్యోగాలలో ఎనలేని గౌరవం పొందుతారు.

పారిశ్రామికవేత్తలు, పరిశోధకులకు అనూహ్యమైన అవకాశాలు.

ప్రభుత్వం తరఫున ఊహించని ప్రోత్సాహం.

రాజకీయవేత్తలకు విశేష సన్మానాలు, కొత్తకొత్త పదవులు దక్కే అవకాశం.

కళాకారులు ఆశ్చర్యకరరీతిలో అవకాశాలు పొందుతారు. వీరికి ఊహించని అవార్డులు దక్కవచ్చు.

విద్యార్థులు గతం కంటే మెరుగైన ఫలితాలు సాధిస్తారు.

వ్యవసాయదారులకు రెండవ పంట విశేషంగా లాభిస్తుంది.

శాస్త్ర, సాంకేతిక రంగాలు, వైద్యులు ఈ ఏడాది మరింత ప్రగతి సాధిస్తారు.

ఇంటి నిర్మాణాలకు శ్రీకారం చుట్టి సకాలంలో పూర్తి చేస్తారు.

అయితే సెప్టెంబర్‌14 నుంచి నవంబర్‌20 మధ్య గురుని మకరరాశి సంచారం,

అలాగే,  శని, రాహు, కేతువుల ప్రభావం వల్ల కుటుంబంలో చికాకులు.

భార్యాభర్తలు, సన్నిహితుల మధ్య తరచూ విభేదాలు.

అలసట, శారీరక రుగ్మతలు, వైద్య సలహాలు స్వీకరించడం వంటివి చేస్తారు.

వృథా ఖర్చులు కూడా పెరిగే అవకాశం.

ఆస్తుల విషయంలో కుటుంబంలో కలహాలు ఏర్పడవచ్చు.

మొత్తం మీద వీరికి దాదాపు శుభదాయకంగానే గడిచిపోతుంది.

దోష పరిహారాలు...

వీరు శనికి తైలాభిషేకాలు, రాహు, రాహు, కేతువులకు దుర్గామాతకు కుంకుమార్చనలు చేయించుకుంటే మేలు. అలాగే, రాహు, కేతువులకు జపాలు చేయించుకోవాలి.