మకరం

ఆదాయం–14, వ్యయం–14, రాజ్యపూజ్యం–3, అవమానం–1.

వీరికి గురువు సెప్టెంబర్‌14 నుండి నవంబర్‌20 వరకు జన్మరాశిలో దోషకారి. మిగతా కాలమంతా శుభుడు.

ఇక జన్మరాశిలో శని దోషకారి. ఏల్నాటి శని ప్రభావం అధికం.

రాహువు పంచమ స్థితి కూడా కొంత  దోషకారకమే, ఇక కేతువు లాభ స్థితిలో శుభుడు.

ఈ రీత్యా పరిశీలిస్తే గురుని శుభరాశి (ద్వితీయ స్థితి) సంచారకాలంలో శుభాలు సిద్ధిస్తాయి.

ఆకస్మిక ధన లాభాలు.

పుత్రకారక శుభ వార్తలు.

అవివాహితులకు వివాహ యోగం.

ధర్మకార్యాలు నిర్వర్తిస్తారు.

భాగ్య సంపదలు కూడబెడతారు.

తండ్రి లేదా జ్ఞాతుల ద్వారా ఆస్తి లాభాలు కలుగుతాయి.

కేతువు అనుకూలత వల్ల తరచూ తీర్థ యాత్రలు. వాహన లాభాలు.

శని, రాహువులు అంతగా అనుకూలురు కానందున కొన్ని ఇక్కట్లు కూడా తప్పకపోవచ్చు.

మొత్తం మీద మిశ్రమ ఫలితాలతోనే గడుపుతారు.

విద్యార్థులు ఉత్తమ శ్రేణిలో ఉత్తీర్ణత సాధిస్తారు.

వ్యాపార, వాణిజ్యవర్గాలకు గతం కంటే మెరుగైన లాభాలు దక్కినా భాగస్వాములతో కొంత విభేదించాల్సిన సమయం.

ఉద్యోగులకు పైస్థాయి వారితో సమన్వయం లేక కొన్ని సమస్యలు ఎదుర్కొంటారు.

అయితే కొన్ని పాత బకాయిలు అందే సూచనలు.

రాజకీయవేత్తలు కొత్త పదవులు అలంకరిస్తారు.

పారిశ్రామికవర్గాలు, శాస్త్ర సాంకేతిక రంగాల వారు సమర్థతతో విజయాలు సాధిస్తారు.

వైద్యులు, చిత్ర పరిశ్రమల వారికి మధ్యమధ్యలో కొన్ని అవాంతరాలు ఎదురైనా అధిగమిస్తారు.

క్రీడాకారులు శ్రమానంతరం కొన్ని అవకాశాలు సొంతం చేసుకుంటారు.

వ్యవసాయదారులకు రెండవ పంట విశేషంగా లాభిస్తుంది.

ఇక జన్మరాశిలో  గురువు, శని ప్రభావం వల్ల ఆరోగ్య సమస్యలు.

అయినవారితో అకారణ వైరం.

లేని పోని ఖర్చులు పెరిగి సతమతమవుతారు.

మనోధైర్యం తగ్గడంతో ఏ పనికీ సాహసించరు.

అలాగే, పంచమ రాహువు వల్ల సంతానరీత్యా కొన్ని సమస్యలు ఎదురుకావచ్చు.

దోష పరిహారాలు..

వీరు ముఖ్యంగా శనికి తైలాభిషేకాలు, గురునికి సెనగల దానం, రాహువు దోష నివారణకు అమ్మవారికి కుంకుమార్చనలు చేయాలి.